Фудбалерот на Баерн Минхен Кингсли Коман бил казнет од клубот со 50.000 евра, затоа што на тренинг дошол со скап автомобил од брендот „Мекларен“, наместо „Ауди“ кој му е службен и спонзор на клубот.
Според договорот, фудбалерите на баварскиот гигант, на тренинзите смеат да доаѓаат само со службените спонзорски коли. На „баварците“, „Ауди“ им е спонзор од 2006 година, а компанијата има 8% сопствеништво.
Французинот се обидел да се извлече со бизарно оправдување, кое не му успеало, пишуваат тамошните медиуми.
„Му се извинувам на клубот и „Ауди“ компанијата што не дојдов на тренинг со клупскиот автомобил. Причината е затоа што го оштетив ретровизорот на таа кола, но сеедно погрешив“, порачал младиот Французин.
