Македонија ќе игра на Светското првенство во ракомет во Египет, откако селекцијата на Чешка се откажа поради големиот број на ракометари заболени со коронавирус. Македонија како прва резерва го доби нејзиното место.
На Мундијалот ќе бидеме во групата Г заедно со Шведска, Египет и Чиле. Најдобрите три селекции во секоја група, ќе продолжат во наредната фаза.
За нашата ракометна селекција ова ќе биде седмо учество на светска сцена. Првиот беше во 1999 година во Египет, а потоа следеа СП 2009 во Хрватска, СП 2013 во Шпанија, СП 2015 во Катар, СП 2017 во Франција и СП 2019 во Данска и Германија.
