Македонија подобра од Лихтенштајн на гости: Прва победа на селекторот Милевски во квалификациите за Светско

By

Репрезентацијата на Македонија го победи домаќинот Лихтенштајн со 4-0 во седмото коло од квалификациите за Светското првенство што ќе се игра догодина во Катар. Ова е прва победа на репрезентацијата откако Благоја Милевски е селектор.

Македонските фудбалери беа подобри во текот на целиот натпревар. Во првото полувреме не искористија неколку шанси. Беше поништен гол на Трајковски поради офсајд, а Чурлинов погоди статива пред Дарко Велковски да го даде првиот гол. На полувремето заминаа со резултат 1-0.

 

И во второто полувреме македонските фудбалери ба подобри од домаќинот, кој немаше ни една конкретна шанса. Вториот гол за Македонија го даде Џани Алиоски од пенал, а на 3-0 зголеми Бобан Николов. Крајниот резултат 4 -0го постигна Чурлинов.

Македонија во моментов со 12 бода е на второто место на табелата, зад Германија која има 18. Следниот натпревар фудбалерите на Благоја Милевски ќе го играат на 11 октомври во Скопје, против репрезентацијата на Германија.

Ќе ви се допадне