Една од најголемите атлетичарки во поранешна Југославија, Верица Милорадовиќ, почина на 71 годишна возраст во Зрењанин. Таа беше долги години членка во Атлетскиот клуб „Пролетер“.
Родена е на 14 јули 1951 година, а со атлетика почнала да се заниамава уште како пионерка во „Пролетер“, кај тренерот Мирко Зељковиќ. Во клубот била член десет години, а потоа кариерата ја продолжила во „Црвена ѕвезда“.
Била исклучителна спринтерка, а одлични резултати покажала и во скок во далечина. Седум пати го носела дресот на Југославија во јуниорската и сениорската конкуренција. 30 години го држела рекордот на 100 метри. Освојувала медали на Балканијадите и европските првенства во штафети.
Во 1967 година била прогласена за спортиска на Војводина. Била кандидатка и за Олимписките игри во 1972 година, но поради повреда на лигаментите морала да се откаже од атлетиката.
