Таеквондистот Дејан Георгиевски ќе настапи на Летните олимписки игри во Токио

Таеквондистот Дејан Георгиевски е вториот Македонец кој ќе настапи на Летните олимписки игри во Токио. Тој денес го победи против актуелниот олимписки шампион Радик Исаев со 13-6 и  обезбеди олипмиска норма, прва на еден македонски таеквондист.

Георгиевски во двете денешни борби победи, прво против Динко Шегедин, а потоа и против олимпискиот првак Исаев.

„Сакам да му се поклонам на мојот брат Борче Костовски, кои исто како и јас живееше за овој миг и тој е најглавниот виновник за овој историски македонски момент“, рече Георгиевски.

Претходно, борачот Могамедгаџи Нуров избори норма за Македонија, а се очекува наскоро и каратистот Емил Павлов да ја избори олимписката норма и да настапи на Олимпијадата во Токио, која ќе се одржи од 23 јули до 8 август.