Ракометарот на Вардар, Тимур Дибиров, со синоќешните шест гола против Алборг стана третиот најдобар стрелец во историјата на Лигата на шампионите. Русинот сега има постигнато 971 гол на најелитното натпреварување поминувајќи го Момир Илиќ, кој има два помалку.
Пред Дибиров се само Никола Карабтиќ со 1.091 гол и Кире Лазаров со 1.462. Дибиров има вкупно 992 постигнати гола во сите европски купови, па без сомнение набргу ќе биде дел од „Клубот 1000“, каде што се само Лазаров, Карабатиќ и Илиќ.
За потсетување, вчера Вардар го победи данскиот претставник Алборг со 30:28.
