Мартин Гарикс и Боно и Еџ од „Ју-ту“ ќе ја изведат официјалната химна на церемонијата на свеченото отворање на Европското првенство во фудбал. Тие ќе настапат на стадионот „Олимпико“ во Рим. Од УЕФА најавија дека на ЕВРО2020 ќе биде користена врвна технологија за преносот.
Песната We are the people ќе биде изведена пред почетокот на првиот натпревар помеѓу Италија и Турција.
Од УЕФА откриваат дека фудбалскиот терен ќе биде трансформиран во сино-бел оган со милиони светла додека Боно ја изведува песната преку видеопроекција на сцената. Настапот бил снимен во Лондон и на стадионот во Рим.
