Фудбалерот на Аргентина Лионел Меси за малку ќе се степаше со противничкиот играч Едисон Кавани, за време на пријателскиот натпревар меѓу Аргентина и Уругвај.
Јужноамериканското дерби покрај убавите голови го одбележаа и жестоките вербални дуели меѓу двајцата врвни фудбалери. Играчите на Барселона и Парис Сен Жермен влегоа во дуел на теренот, кој подоцна продолжил и за време на паузата меѓу двете полувремиња.
Нетрпеливоста меѓу нив кулминирала во тунелот. Кавани по мечот изјавил дека го викнал Меси на тепачка, а Аргентинецот не му останал ништо покус и прифатил.
„Кога и каде сакаш“, му викнал Меси на Кавани.
За среќа, на теренот ситуацијата ја смирил Уругваецот Суарез, кој е тимски колега на Меси во Барселона. Тој успеал да ги смири Меси и Кавани и во тунелот и се погрижл ситуацијата да не излезе од контрола.
