Македонија го одигра првиот натпревар на Европското првенство. „Црвено-жолтите“ изгубија против Австрија со 3:1. Гол за Македонија постигна Горан Пандев кој стана првиот стрелец за Македонија на Европските првенства.
Со 37 години и 321 ден, капитенот на Македонија стана и вториот највозрасен стрелец во историјата на Европските првенства. Пред него на листата е само Австриецот Ивица Вастиќ.
Голови за Австријците постигнаа Лаинер, Грегорич и Марко Арнаутовиќ. Вечерва се игра вториот натпревар во групата Ц во која е и Македонија, меѓу Холандија и Украина.
Вториот натпревар Македонија го игра на 17 јуни, против Украина, додека третиот ќе го играме во Амстердам против Холандија.
