Германската атлетичарка Алиса Шмид, која многу германски медиуми одамна ја прогласија за најсекси атлетичарка на светот, тренираше заедно со фудбалерот на Дортмунд Томас Муние.
Таа го провери колку е физички подготвен. 22-годишната Шмид, е дел од спонзорскиот договор со „Пума“, а тркачката ја сподели тренинг-рутината со Муние.
Таа претходно оваа година работеше и со други фудбалери на Дортмунд, како Мануел Аканџи и Матс Хумелс, а го предизвика и Хумелс на трка на 400 метри која фудбалерот не ја заврши.
Шмид стана популарна на германските атлетски митинзи, освојувајќи сребро на 4х400 метри на јуниорското ЕП во 2017 и се надева дека ќе се квалификува за Олимпијадата за трка на 400 метри. Покрај тоа, секако, таа работи како модел.
