Амал и Џорџ Клуни присуствуваа на премиерата на црвениот тепих на филмот „Волци“ за време на 81. Меѓународен филмски фестивал во Венеција.
Амал Клуни оваа година целосно го презеде црвениот тепих на филмскиот фестивал во Венеција, не само со нејзините прекрасни состави, туку и со нејзиниот нов нов изглед на косата.
Во придружба на нејзиниот сопруг Џорџ на премиерата на филмот „Волци“, Амал зрачеше со стар холивудски гламур во жолт фустан од „Версаче“ но нејзината коса навистина го комплетираше целиот изглед. Имено, таа дебитираше елегантно со прекрасни русокоси прамени од кои се излеваше врвната естетика на познатата италијанска филмска ѕвезда.
Очигледно горд на својата работа, фризерот на Амал, Димитрис Џанетос, сподели неколку фотографии од гламурозниот изглед на неговата клиентка на социјалните мрежи.
-Италијанката Софија Лорен би била воодушевена од Амал Клуни во Венеција – напиша тој и ја откри очигледната инспирација зад стилот на славната адвокатка – желбата да се канализира едноставниот шик изглед на една од најомилените италијански филмски ѕвезди, а притоа да се задржи модерната и полирана естетика на Амал недопрена.
Бринетата претрпе трансформација со суптилни руси прамени кои и додадоа димензија и топлина на нејзината коса, додека волуменот беше оној кој најмногу наликува на класичната убавина на Софија Лорен, која засекогаш ќе има статус на икона на елеганција и софистицираност.
Косата на Амал беше „жива“, полна со движење и сјај, а правеше хало ефект додека чекореше по црвениот тепих, поради што го украде целото внимание во Венеција.
Освен тоа, нежните прамени додадоа сончев сјај кој одлично го надополни нејзиниот златен фустан и бронзената кожа. Амал покажа дека не е моќна само во судницата туку и на црвениот тепих.
Покрај филмска ѕвезда како Џорџ Клуни, кој изгледаше фантастично во неговиот класичен смокинг, јасно е зошто овој пар е еден од најмоќните во Холивуд во моментов.
