Како спас од силните зраци на сонцето, Кинезите користат интересен додаток кој стана хит на интернет.
Покрај капите, шаловите и очилата за сонце, популарен летен производ кој може да се забележи на кинеското крајбрежје е бикинито за лице.
Станува збор за „фацекини“, односно бикини наменето за лице. „Фацекинито“ ја покрива целата глава и врат, но има исечоци за очите, носот и устата. Многумина се одлучуваат за ова необично модно парче за да се заштитат од силните горештини во Пекинг и другите региони.
„Фејскинито“ чини околу пет евра, а може да се најде на тезги во близина на плажата. Тие можат да бидат со различни бои, а некои имаат печатени, шарени апликации.
„Мојата главна грижа е да не развијам кожни болести или дамки од сонце“, објаснил студентот Ли Сујан за „Гардијан“.
Иако додатокот може да изгледа необичен, жителите на Кина се многу внимателни кога станува збор за изложувањето на сончевите зраци, особено што оваа година во некои делови од земјата температурата достигна од триесет и пет до дури осумдесет степени Целзиусови, што може да биде видено на голем, јавен термометар во регионот Синџан. Освен целта на поединецот за одржување на светлиот тен, опасноста и ризикот од УВ зраците се преголеми, па затоа повеќето бараат што повеќе начини да се заштитат, но и да уживаат во капењето.
View this post on Instagram
