Прославената манекенка Кејт Мос (51) позираше заедно со 25 други модели во она што е воедно и последната колекција на познатата Донатела Версаче.
За потребите на оваа кампања, ненадминатата Кејт позираше во краток фустан со леопардски принт кој имаше многу лабаво деколте, а воедно го истакна струкот со тенок ремен.
Набргу потоа, таа се пресоблече во златен фустан, со средна должина, но асиметричен. Таа повторно блесна на начин на кој само таа може и покажа дека без оглед на нејзините години, сè уште може да се натпреварува со своите многу помлади колешки.
Ова издание на Кејт Мос нè врати сите во 90-тите години кога таа беше една од најпознатите манекенки и ги „тресеше“ модните писти. Иако се соочи со многу критики, таа уште еднаш покажа дека може да се врати на старо, но само ако сака.
„Енергијата беше единствена. Фустаните ја одразуваа светлината на овие прекрасни жени. Се работи за пријателство, лојалност и љубов, и беше создадена за да ја прослави душата на жената од Версаче“, напиша Донатела.
Донатела Версаче неодамна ја напушти позицијата главен креативен директор на брендот „Версаче“.
