Одлично за секоја пригода.
Состојки:
- 400 гр брашно
- 1 сув квасец
- 1 лажичка прашок за пециво
- 1 белка од јајце
- 120 гр кисела павлака
- 50 мл. масло
- 100 мл млака вода
За полнење ви треба:
- 200 гр фета сирење
- 1 јајце плус 1 белка
- 2 лажици кисела павлака
За обложување:
- 1 жолчка
- малку млеко
- сусам
Подготовка: Брашното измешајте го со сувите состојки и убаво измешајте со лажица, додадете сè останато и ситно замесете ги состојките, убаво да се соединат. Подгответе плех обложен со хартија за печење. За филот сè убаво соединете, сирењето најдобро е да го издробите.
Поделете го тестото на два еднакви дела. Растегнето го во поголем круг и исечете го на осум триаголници. Во секој поширок дел ставете по една мала лажица фил и завиткајте го како кифлички. Направете го истото со другиот дел од тестото.
Премачкајте ги со мешавина од жолчка и млеко, посипете ги со сусам и ставете ги во ладна рерна. Вклучете на 200 степени и печете ги кифличките сè додека не добијат убава златна/кафеава боја.
