„Мујо“- нова босанска верзија на популарната игра „Супер Марио“

Се појави босанската верзија на популарната игра Супер Марио, чиј главен лик Мујо има само една цел – да стигне до Неум, единствениот град во Босна и Херцеговина кој излегува на море.

dobivaj vesti na viber

Првиот трејлер за играта „Мујо“ неодамна беше објавен на Јутјуб каналот Plumbum Games, а во првичната верзија објавена во јуни минатата година, авторите објаснија како ќе изгледа играта.

Мујо носи наметка во боите на знамето на Босна и Херцеговина, бела кошула, ремен и фармерки со додаток на очила за сонце.

Патувањето на Мујо во играта започнува на северот на земјата, каде што живеат најинтересните луѓе, а потоа ја продолжува својата авантура низ БиХ, соочена со бројни предизвици. Мујо има едно тајно оружје, пиво кое му дава моќ на брзина и скокање, а за дополнителна енергија, јаде бурек од кој се дебели. На својот пат, Мујо се среќава со неколку непријатели кои мора да ги победи, меѓу нив и чуварите на редот.

Авторите на играта на својот Инстаграм профил открија дека Мујо на пат кон Неум ќе се сретне и со некои босански политичари како Милорад Додик, Драган Човиќ и Бакир Изетбеговиќ.

 

Scroll to Top