Младиот брачен пар Сара и Лука во 2020 година се преселиле од Аргентина на Сицилија, каде што купиле куќа за само едно евро.
Тоа е план на италијанската влада, кој имплицира дека селото ќе биде обновено, но луѓето во Италија генерално биле со недоверба бидејќи не можеле да веруваат дека целиот имот може да се продаде за само едно евро.
Сара и Лука решиле да се впуштат во оваа авантура, а нивниот имот се наоѓа во едно сицилијанско село.
Меѓутоа, кога се согласиле да го купат имотот, не можеле да видат колку е дотраен и колку време и пари ќе бидат потребни за целосно да се обнови.
Токму за тоа се однесува оваа понуда. Иако изгледа како бајка, куќите се руинирани, напуштени и обраснати со плевел.
Во повеќето случаи се бара темелно реновирање, а идните сопственици мора да платат депозит од 5.000 евра за куќата пред реновирањето. Тие потоа се обврзуваат да ја реновираат куќата во следните три години. Исто така, од сопствениците се бара да ја платат целата документација потребна за пренос на сопственоста. Од друга страна, Италија ветува дека општината ќе ги фаворизира купувачите кои планираат да ангажираат локални работници, да користат локални материјали и да реновираат што е можно поскоро.
Идејата на овој проект е насеување на напуштени села, стимулација на селската економија и подобра иднина за селото.
Сара и Лука сметаат дека купувањето на овој имот било најдоброто нешто што можеле да го направат за себе и за своето семејство.
Тие веруваат дека Италија создала совршен план кој им овозможува на младите брачни парови да станат независни и да живеат поздрав и подобар живот. Од друга страна, селата ќе цветаат кога ќе се вселат нови луѓе.
