Бали, кој зависи од милиони туристи од целиот свет, се обидува да ја искористи својата популарност за да ја зголеми својата каса и да ја заштити својата тропска привлечност.
„Плаќањето на данокот за странските туристи се применува само еднаш за време на нивната посета на Бали“, изјавил гувернерот Вајан Костер пред локалните пратеници.
Таксата ќе се плаќа електронски, а давачката нема да важи за домашните туристи.
Според официјалните бројки, повеќе од два милиони туристи го посетиле островот минатата година, откако Бали ги укина мерките за коронавирус.
На прашањето дали новиот данок ќе ги одврати посетителите, Костер рече дека властите не веруваат дека посетата ќе се намали.
„Тоа не е проблем. Ќе ги искористиме парите од тој данок за животната средина, културата и ќе изградиме подобра инфраструктура за да го направиме патувањето до Бали поудобно и побезбедно“, им рече тој на новинарите.
Исто така, локалните власти предупредија дека ќе се спроведат одредени мерки против туристите кои недолично се однесуваат, а инцидентите што се случија на овој остров вклучуваат акти на културно непочитување.
