„Бугати“ одлучи да им понуди нешто друго на своите фанови, во продажба е ограничена серија специјално украсени јајца.
На „Бугати“ не му е непознато ставањето на рачни часовници, билјард маси, електрични скутери на пазарот под сопствен бренд, а отсега на листата се приклучуваат и уметнички дела. Во соработка со британската компанија Asprey, специјализирана за накит, мебел, часовници и воопшто луксузни предмети, тие создадоа колекција од сопствена интерпретација на јајцата Фаберже.
Asprey Bugatti Egg Collection е линија на декоративни производи во совршена форма на јајце, изработена од метал, јаглеродни влакна и други материјали кои вообичаено се користат во производството на луксузни автомобили. Сето ова е збогатено со сребрени аксесоари, дијаманти и, се разбира, е рачно доработено до совршенство. Дизајнерските детали се позајмени од возилата на „Бугати“.
Јајцата ќе бидат изложени во новата галерија на Asprey во Лондон овој месец, а може да се нарачаат онлајн. Планираната серија ќе биде ограничена на 111 примероци.
Што се однесува до цената, првите 100 јајца ќе се продаваат по цени меѓу 20 и 50 илјади евра, додека оние со сериски броеви поголеми од 100 ќе чинат над 200.000 евра.
BUGATTI and @AspreyStudio announce a limited collection of precious metal objet eggs. The Asprey Bugatti Egg Collection Royale Edition blends the timeless artistry of the BUGATTI family with @AspreyLondon heritage and craftsmanship.https://t.co/ZMEAFtEL8R#ASPREYBUGATTI #ABegg pic.twitter.com/wmZxS0wDnw
— Bugatti (@Bugatti) April 4, 2023
