Американскиот мултимилијардер и основач на „Мајкрософт“, Бил Гејтс, најави дека во наредните пет години има намера да вложи две милијарди долари во борба против климатските промени. Во изјава за германскиот медиум Handelsblat, Гејтс изјавил дека ќе вложи во старт-апови и други проекти, а дека неговата цел е да спречи климатска катастрофа.
„Не е невозможно, но е многу тешко“, нагласил Гејтс и побарал пет пати зголемување на државните инвестиции во науката ширум светот, за да се произведе чиста енергија и да се воведат климатски иновации.
Поводот за барањето на Гејтс е неговата нова книга, „Како можеме да спречиме климатска катастрофа“, во која тој бара емисијата на CO2 до 2050 година да се сведе на нула.
Извор/Курир.рс
