Ја лажирал својата смрт за да ги ограби клиентите за 190 милиони долари

By

Канадските истражители успеале да влезат во компјутерот на основачот на канадската криптоменувачница KvadrigaCX, Џералд Котен, кој откако ненадејно почина минатата година, на своите клиенти им остана должен 190 милиони долари.

Откако истражителите утврдиле дека парите ги нема ниту во неговиот лап-топ, се покренале голем број теории на заговор дека Џералд намерно ја лажирал сопствената смрт за да ги украде парите.

Парите досега не можеле да бидат исплатени затоа што никој освен Џералд не ја познавал шифрата на неговиот лаптоп, каде бил складиран фондот со криптовалути.

Котен неочекувано почина во декември минатата година во Индија, а парите кои биле во сопственост на околу 115.000 клиенти, ги чувал на офлајн сервер, на кој не можел никој да му пристапи.

Судските ревизори утврдиле дека сметката била испразнета во април, осум месеци пред неговата смрт.

Биле пронајдени 14 кориснички налози со кои Џералд тргувал преку KvadrigaCX и со кои ги пренел криптовалутите на адреса која не е поврзана со неговата менувачница.

Криптоменувачницата „Кракен“ понудила награда од 100.000 долари за пронаоѓање на парите. Во истрагата откриени се и други работи, од типот дека компанијата на Џералд, никогаш не ги пријавила своите финансии.

Ќе ви се допадне