Ким Џонг-ун ослабел, лидерот јадел помалку за доброто на земјата, а севернокорејките се воодушевија од неговиот нов изглед

Лидерот на Северна Кореја, Ким Џонг-ун, на најновите снимки и фотографии изгледа послабо од порано. На него се гледа повеќе кожа која му се спуштила на вратот, а јакната му виси на рамењата. На сликите се гледа Ким како се шета пред маса народ кој му аплаудира и плаче.

Фотографиите се направени за време на прославата на Денот на младите во Пјонгјанг. Цртите на лицето на Ким, како што пишува „Дејли Мејл“, биле посебно истакнати, особено околу неговата брада која порано, поради прекумерната килажа не се гледала.

37 годишниот Ким носел бела јакна, а ткаенината му била цврсто стегната околу стомакот. Приказните за неговото здравје ги присилија властите да ги забранат шпекулациите кои се ширеле за неговата тежина, особено откако се појавија фотографии на кои Ким бил драстично ослабен.

Во обидот да ги сузбијат овие гласини, дури и за државните медиуми тие велеле дека Ким јаде помалку за доброто на земјата, која во моментов се бори со гладдта. Тие исти гласини подоцна се засилиле и се раширило дека на Ким бил била вградена желучна ќеса, за да ја намали тежината.

Од друга страна се зборувало дека пандемијата го натерала да ослабе. Ким долго време се бори со прекумерната тежина, која растела од година во година. Тој бил и голем миленик на цигарите и наводно пиел прекумерно. Но, оваа година се појавија слики на кои се гледа дека ослабел.

Scroll to Top