Луѓето ќе го населат Марс и роботи ќе го контролираат светот: предвидувањата на „Симпсонови“ за 2022 година

Симпсонови многупати ја предвидуваа иднината. Во 1995 година, еден од нивните ликови покажа како носи часовник што може да се користи како телефон. Беа потребни 20 години за Apple Watch да ја види светлината на денот. Во 2000 година, 16 години пред вистинскиот настан, „Симпсонови“ предвидуваа дека Доналд Трамп ќе се кандидира за претседател, дури успеаја да предвидат дека тој ќе победи. Ова се само мал дел од ситуациите кои ги предвидуваа „Симпсонови“.

dobivaj vesti na viber

Жолтото семејство предвидува ситуации и иднина повеќе од 30 сезони. 

Корона пандемијата продолжува
Едно од предвидувањата беше за повторно појавување на коронавирусот, токму она што се случи во земјите кои се соочуваат со третиот или четвртиот бран на корона. Ваквата ситуација во серијата ја покажува употребата на купола во Спрингфилд во која граѓаните беа целосно изолирани.

Храна за виртуелна реалност
Според Симпсонови, за 2022 година се планирани дигитални оброци, односно можност за консумирање храна преку виртуелна апликација за храна. Така, во една од епизодите сместени во 2030 година, Марџ и Хомер можат да се видат како храната ја пренесуваат преку холографски електронски уред. Во 2021 година, научниците за храна од Универзитетот Корнел открија дека сирењето што се консумира во средина на виртуелна реалност има подобар вкус, додека туристичката агенција Royal Caribbean се обиде да развие технологија за да им овозможи на своите гости искуство да консумираат храна во виртуелна реалност на нивните крстарења.

Населување на Марс
Вака изгледаше пред многу години во една епизода од Симпсонови: Лиза сака да оди на Марс, па аплицира за еднонасочно патување до Црвената планета, иако Марџ не се согласува. Резултатот е дека на крајот целото семејство се пријавува за патување во 2026 година. Сонот на Илон Маск да оди на Марс, за кој толку многу се зборува денес, би можел да биде чекор поблиску до реализација во 2022 година, кога неговата компанија SpaceX за прв пат ќе ја лансира ракетата Starship во орбитата. 

Роботите го заземаат светот
Во една епизода, Симпсонови посетија забавен парк каде роботите го контролираа секое возење, додека не ја изгубија контролата и почнаа да убиваат луѓе околу нив. Јурген Шмидхубер, познат како „таткото на вештачката интелигенција“, неодамна шпекулираше дека роботите би можеле да го заземат светот каков што го знаеме за неколку децении.

Летечки возила
Конечно, едно од предвидувањата на кои многумина се надеваат оваа година е доаѓањето на летечките автомобили. Според епизодата „Future drama“, тоа ќе се случи во текот на следните 12 месеци. Автомобилите на небото ќе бидат нашата реалност и многу ќе им го олеснат животот на луѓето. 


Scroll to Top