Огромен астероид од 130 метри, се движи со голема брзина кон Земјата, предупредија од НАСА. Астрономите проценуваат дека астероидот би можел да удри во планетата и да предизвика енергија еквивалентна на 77 мегатони ТНТ експлозив.
Ова е 1,5 пати посилно од бомбата „Цар“, најголемото нуклеарно оружје некогаш тестирано. НАСА ги има сите податоци за неговата патека на движење. Тој е откриен на 28 ноември 1994 година, а огромната вселенска карпа е означена со името 1994 ВР12.
Од НАСА очекуваат метеорот да помине покрај планетата во наредните неколку часови на оддалеченост од 4 милиони километри, но експертите велат дека сударот со астероид кој ќе влезе во нашата атмосфера во одреден момент е неизбежен.
Нивниот совет е доколку го забележите било каде, да не гледате директно во него, затоа што може многу лесно да ви ја оштети мрежницата на окото.
