Полицијата во Лас Вегас во понеделникот вечерта упадна во куќа на маж за кој мислат дека е поврзан со смртта на Тупак, пренесе ABC. Американскиот рапер беше застрелан на 7 септември 1996 година, а од повредите почина шест дена подоцна во болница. Имаше 25 години, а полицијата не уапси никој.
„LVMPD може да потврди дека на 17 јули 2023 година, во Хендерсон, Невада, е издаден налог за претрес, како дел од тековната истрага за убиството на Тупак Шакур“, се вели во соопштението на полицијата во Лас Вегас и додадоа дека во овој момент немаат дополнителни коментари.
За време на неговата кратка, но плодна кариера, Тупак продаде повеќе од 75 милиони плочи ширум светот, вклучувајќи го и дијамантски сертифицираниот албум All Eyez on Me, во кој беше вклучен и хитот California Love Remix.
Тупак исто така беше примен во Рокенрол Куќата на славните во 2017 година. На почетокот на месецов доби и ѕвезда на Булеварот на славните во Лос Анџелес, која ја откри неговата сестра во име на семејството на покојниот рапер.
„Стоењето овде и претставувањето на семејството Шакур го исполнува моето срце со чест“, рече сестрата на Шакур, Секива ‘Сет’ Шакур.
