Принцот Хари го покажа ѓаволскиот знак додека позира со Меланија Трамп

By
Што сакаше да ѝ порача принцот на првата дама?Принцот Хари и Меланија Трамп се сретнаа првпат на настанот „Инвиктус гејмс“ во Канада на Меѓународните воени параолимписки игри, кои ги основаше токму Хари, а поради една фотографија на „Твитер“ се појавија теории на заговор.

Имено, додека позира со Меланија, Хари ги истакна двата прста, па изгледаше како да покажува ѓаволски рогови.

Интересно е што не стануваше збор за секунда или две, туку така позира подолго време.

Фотографијата веднаш стана истакната и почнаа нагаѓања што сакал Хари да ѝ порача на Меланија со ваквиот потег.

„Можеби би требало да истражите зошто Хари го покажа знакот на сатаната за време на состанокот со Меланија“. „Дали е тоа некој таен знак со кој се обидува да покаже дека на Меланија ѝ е потребна помош?“, „Тоа е ѓаволски знак“, беа некои од коментарите, а недолго потоа почнаа да се споменуваат и илуминатите.

„Принцот Хари го покажува знакот на илуминатите“, заклучи еден твитераш.

Имаше и такви што мислат дека Хари намерно ја исмевал Меланија.

„Секоја чест Хари што си ја „тролал“ Меланија. Одбивање на злото. „Хари, Америка те сака“, порача една твитерашка.

Гледајте го видеото:

 

Ќе ви се допадне