За време на летот од Бирмингем до Малага, додека авионот патувал над Оксфордшир, два од шесте прозорци во пилотската кабина одеднаш се скршиле.
Капетанот Тим Ланкастер бил отстранет од седиштето и „вшмукнат“ од прозорецот додека авионот се наоѓал на надморска височина од околу 7.000 метри.
Од силата на притисокот се скршила вратата на пилотската кабина. Стјуардот Најџел Огден едвај стоел на нозе. Огден, веднаш по несреќата, даде изјава за „Сандеј тајмс“: „Се свртев и видов низ отворот – каде што требаше да биде вратата од пилотската кабина – дека нема предно ветробранско стакло, а Тим, пилотот, излетал низ прозорецот – му беше искинат појасот и сè што можев да видам беа неговите нозе“.
Огден влетал во пилотската кабина и успеал да го фати пилотот за нозете додека тој полека се лизгал низ прозорецот.
Додека копилотот Алистер Аткинсон полека успеал да ја преземе контролата, друга стјуардеса по име Симон, исто така, стигнала во пилотската кабина, ставајќи синџир на Тим за да го држи поцврсто.
Fun fact:
Captain Tim Lancaster, who was sucked out of the window, carried on to have a very successful career.
He left British Airways in 2003 and joined EasyJet as a pilot for 5 more years! https://t.co/4YiFNyW0KS pic.twitter.com/PoWUfzlmpq
— Ooooooooli 👻🎃 (@OliAworth) May 1, 2021
Огден за „Сандеј тајмс“ додаде: „Се сеќавам дека Алистер, копилотот, се бореше да го контролира авионот и викаше: Помош, помош..
„Го пуштив Џон и трчав назад да ги чувам патниците, кои го слушнаа ударот. Мојата колешка Су Принц сама се грижеше за сè во авионот”, рече стјуардесата Симон, која кога проценила дека стјуардите можат да го држат Тим, истрчала назад во кабината за да ги смири патниците.
„Притисокот врз Аластер беше огромен – животот на сите нас беше во негови раце. Но, тој совршено слета со тој авион”.
Авионот слетал на аеродромот во Саутемптон, каде [to биле пречекани од итните служби. Апсолутно неверојатно, но, за среќа, пилотот претрпел неколку скршеници и имал смрзнатини, но преживеал!
Според извештајот на Одделот за истрага на воздушни несреќи по инцидентот, мајсторот користел погрешни завртки за да го зацврсти ветробранското стакло.
Во извештајот се наведува дека процесот на инсталирање на шофершајбната, што се случил 27 часа пред полетувањето на авионот, во јуни 1990 година, „имал голем број лоши работни практики, лоши проценки и грешки во перцепцијата“.
По несреќата, Огден го напушти „Бритиш ервејс“ и отиде да работи за армијата. Капетанот Тим Ланкастер повторно леташе. Целиот инцидент беше рекреиран за документарен филм наречен Air Crash Investigation – Blow Out, кој се емитуваше на National Geographic во 2005 година.
