Аруба, карипски остров познат по своите бели песочни плажи, тиркизното море и пријатната тропска клима, често се нарекува „најсреќниот остров на светот“.
Овој статус се должи на комбинација на фактори, еден од најважните е што островот има до 300 сончеви денови годишно, што го прави еден од најпосетуваните острови во областа, привлекувајќи туристи со своите нереални сини нијанси на морето.
Една од најпознатите плажи на островот е Eagle, која редовно завршува високо на листите за најубави плажи во светот.
Освен тоа, туристите ги привлекува и Палм Бич, кој е совршен за авантуристи и љубители на водени спортови.
Националниот парк Арикок е честа дестинација и за туристите, кои ги истражуваат бројните плантажи со алое вера, вистинско богатство на овој остров кој има и свој музеј, но уживаат и во скриените плажи и природниот базен Кончи, кои се опкружени со карпи.
Аруба е опкружена со кристално чисто море, а посебна атракција за нуркачите се остатоците од германскиот товарен брод SS Antilla.
Покрај тоа што е популарна туристичка дестинација, Аруба е позната по својата безбедност, добра инфраструктура и ниска стапка на криминал, што дополнително придонесува за чувството на среќа кај жителите и посетителите.
Патем, една од клучните причини зошто Аруба се смета за најсреќен остров лежи во концептот „Еден среќен остров“, кој не е само маркетиншки слоган, туку и одраз на локалната култура. Локалните жители се познати по својот топол и пријателски пристап, а со големиот број сончеви денови во годината, островот овозможува идеални услови за релаксиран и безгрижен начин на живот.
Аруба е позната и по своите фестивали, културни настани и висококвалитетни одморалишта, кои придонесуваат за нејзиниот статус на рајска дестинација. Комбинацијата на прекрасна природа, гостопримство и стабилност ја прави Аруба вистинско засолниште за оние кои бараат среќа и релаксација на сончевите Кариби.
