Две големи британски компании, „Теско“ и „Асда“, се најдоа на удар на обвинувањата од страна на граѓаните дека продаваат обична вода од славина, која претходно ја филтрирале и ја пакувале.
Нивните шишиња стојат на полиците покрај минералните води, како „евијан“ и „периер“, и тие се значително поевтини.
Но, сепак, потрошувачите ги доведуваат во заблуда затоа што на декларацијата нема објаснување дека е во прашање обична вода од славина, тврди весникот „Дејли мејл“.
И двете компании ги демантираа ваквите тврдења што првпат се појавија во јавноста минатата недела. Тие порачуваат дека ги мамат потрошувачите затоа што на декларацијата разбирливо напишале што продаваат.
Исто така, веруваат дека таа не треба да се нарекува вода од славина бидејќи претходно го минала процесот во кој е отстранет хлорот и дополнително е прочистена.
„Дејли мејл“ на свој начин објави дека овие компании го правеле она што Дел Бој и Родни го правеле во прочуената хумористична серија Only Fools and Horses, со цел да станат милионери. Тие пакуваната вода од славина ја продавале како вода од природен извор.
Супермаркетот „Теско“ продава вода во двелитарски шишиња за 17 пени, односно шест шишиња од половина литар ги продава за една фунта. И во двете варијанти пишува „само вода, без додатоци“. Истата вода која дополнително е газирана чини 17 пени за двелитарско шише. Литар вода од водовод во Британија чини третина пени, што значи дека по обработката и пакувањето, таа се продава 25 пати поскапо.
Слична е и цената со негазираната вода на компанијата „Асда“.
Компанијата задолжена за пивка вода во целото Обединето Кралство тврди дека водата која доаѓа од славина е поевтина, поздрава и побезбедна и дека нема апсолутно ниту една причина таа да се филтрира. Според последните анализи од надлежниот инспекторат, 99,96 отсто од причините ги имаат исполнето сите стандарди и исправност. Дали ќе веруваме на државните служби зависи само од нашето незнаење.
Џо Танер од оваа компанија кога бил запрашан да го разјасни потеклото на својата вода, на почетокот преку своите гласноговорници испрати збунувачко соопштение.
Врз основа на разговорите направени меѓу новинарите и доставувачот, со цел да се истражи целата работа, било утврдено дека водата потекнува од еден извор од Франција.
Ова е и изјава на една од претставничките на компанијата и таа ја отфрлила можноста дека е во прашање филтрирана вода од славина.
„Апсолутно, не. Има потекло од Франција, а се пакува во Британија. Секако дека не е пакувана вода од славина“, вели таа.
Но, подоцна се откри и се потврди дека е во прашање филтрирана вода од славина.
И „Асда“ признала дека продава вода од водовод, а се оправдала дека таквата вода е поевтина и дека потрошувачите купуваат скапи уреди за да ја филтрираат.
Но, од државната служба предупредија дека водата е отровна и здравствено неисправна на подолг временски период.
Овој случај бил добар повод за здружување на граѓаните, кои се заложиле за заштита на околината и одржлив развој и уште еднаш ги предупредија потрошувачите да користат вода од водовод.
