Рускиот опозиционер Алексеј Навални од затворот е префрлен во болница поради лечење од можна респираторна инфекција. Тој е тестиран дали има коронавирус, јавува весникот „Известија“, повикувајќи се на извори од затворската управа.
Навални имал температура од 38.1 степени и силна кашлица. Тој заедно со уште тројца други затвореници, од вкупно петнаесет од неговото одделение, во затворот во регионот Владимир, биле хоспитализирани затоа што одговорните се сомневале дека имаат туберколоза.
За потсетување, Навални се наоѓа на отслужување затворска казна, а неодамна почна и штрајк со глад, заради тоа што наводно не добивал адекватна медицинска нега.
Рускиот опозиционер преку својот адвокат со денови се жалел на болки во градите и нозете и ги обвинуваше властите дека одбиваат да му дадат соодветна лекарска нега, пренесува „Ројтерс“. Руските власти подоцна ги негираат ваквите негови обвинувања.
