Ова е зоната каде што сте „повеќе од пријатели, но сè уште не сте пар“, каде што постои состанување, но „етикетата“ ја нема, а прашањето „каде води ова?“ изгледа како забранета мисла.
Ако често се наоѓате во такви „речиси врски“, можеби не е виновен само начинот на кој ги избирате партнерите, туку и вашиот знак.
Пет хороскопски знаци кои се кралеви на вакви врски:
1. Близнаци – мајстори за „нека оди се по својот тек“
Близнаците лесно се наоѓаат во врски без „етикета“. За нив, монотоната рутина и сериозните обврски се здодевни, додека „ситуацијата без обврски“ им носи ментална стимулација и забава. Сепак, тие постојано бараат нешто подобро зад аголот, па затоа нивната необврзаност служи како заштита од емоционален ризик.
2. Вага – кралици на балансирање и неодлучност
Вагата сака блискост, но избегнува конфликт. Поставувањето јасни граници или барањето ексклузивност им се чини како тежок разговор, па затоа претпочитаат да останат во „сивата зона“ отколку да уништат добро чувство. За нив, мирот и хармонијата се повредни од формалната врска.
3. Стрелец – слободата пред сè
Стрелците го гледаат зборот „приврзаност“ како затвор. Уживаат во излегувања, флертување и длабоки разговори, но кога нивниот партнер очекува планови за следната недела, тие исчезнуваат. Врските без обврски им овозможуваат да уживаат во придобивките од врската, а воедно да ја задржат апсолутната слобода – па дури и да купат билет за Бали без објаснување.
4. Риби – романса и „розова магла“
Рибите не ги доживуваат ваквите врски како привремени, туку во главата снимаат сцени од романтична приказна на Нетфликс каде што крајот е секогаш совршен. Се заљубуваат во потенцијалот, а не во реалноста, игнорирајќи ги црвените знамиња и останувајќи во „врската“ со надеж за чудо.
5. Водолија – Емоционално оддалечени визионери
На Водолијата и е сосема во ред да има „пријатели со бенефиции“. Тие тешко ги обработуваат длабоките чувства, па затоа лежерната ситуација им одговара совршено. Тие се плашат дека формалната врска би можела да ја загрози нивната слобода и индивидуалност, па затоа претпочитаат да кажат „се гледаме“ наместо „заедно сме“, дури и ако поминуваат ден и ноќ заедно.
Ваквите врски можат да бидат забавни и удобни, но секој знак има своја причина да остане во таа „сива зона“. Од Близнаци кои не сакаат етикети, до Рибите кои живеат во розова магла и Водолијата која ја чува својата слобода – астролошката перспектива дава добар увид во тоа зошто некои луѓе едноставно не се обврзуваат.
