Кратко јутуб видео предизвика лавина реакции кога стана јасно што точно се случува во машината за садови додека работи. Каналот @povsadventures одлучи да го сними целиот процес одвнатре и да ја открие тајната на циклусот на миење.
Авторот поставил светло и камера внатре, ја наполнал машината со садови, додал капсула, ја затворил и го снимил целиот циклус. „Како и многумина, и јас се прашував што точно се случува внатре“, објасни тој.
Сè изгледало нормално – додека не се појавила жолто-кафена вода.
На почетокот, видеото покажува како млазовите вода прскаат низ машината и садовите постепено се чистат. Но, вниманието на гледачите го привлече бојата на водата – течноста станала кафено-жолта, што предизвика шок и многу прашања.
Во коментарите се појавиле различни теории:
– дека бојата доаѓа од капсулата за миење,
– дека причината може да биде железо или манган во водата,
– или дека машината е неиспавна и не ја исфрла водата како што треба.
Интернет реакциите беа бујни и духовити. Некои корисници се пошегуваа:
„Брат му ја поврзал машината со септичката јама.“
„Фала што ми покажа зошто е најдобро да се мие на рака.“
Други беа искрено загрижени:
„По ова, не сум сигурен дали садовите навистина се чисти.“
„Добро е што не сум единствениот шокиран од кафената вода.“
Се јави и лице кое тврди дека работело како инсталатор на вакви апарати:
„Пред машината да се вклучи, се гледа како стои кафена вода на дното – тоа не е нормално. Или ова е направено за реакции, или машината е расипана и не ја исфрла водата.“
