Сопругата на мексиканскиот наркошеф Хоакин Гузман, познат како Ел Чапо, Ема Коронел Аиспуро, е уапсена на меѓународниот аеродром во Вашингтон. Обвинителството ја има обвинето дека е вмешана во мрежата на растурање дрога, пренесоа синоќа американските власти.
Ема, која има американско и мексиканско државјанство, треба денес да излезе пред сојузен судија. Обвинета е дека учествувала во дистрибуција на кокаин, метамфетамин, хероин и марихуана. Нејзиниот сопруг, коосновачот на картелот Синалоа, кој се смета за најмоќниот наркодилер на светот, беше осуден во јули 2019 година на доживотен затвор.
Ел Чапо ја издржува казната затвор во американската држава Колорадо. Картелот Синалоа, според американските официјални лица, бил најголемиот снабдувач на дрога во САД.
