Состојки:
200 мл јогурт, 2 големи јајца, 1/2 чаша шеќер, 1/2 чаша масло, 2 чаши остро брашно, 2 лажички прашок за пециво
Подготовка:
Измешајте го брашното со прашокот за пециво и просејте го во сад. Во друг сад се ставаат јајцата и шеќерот, па се меша околу пет минути додека смесата не стане светложолта и густа.
Потоа малку по малку додадете го маслото и нежно измешајте со најмала брзина. Во садот додајте го јогуртот и со рака со помош на шпатула соединете го со остатокот од смесата. На крајот додадете го просеаното брашно и прашокот за пециво и нежно мешајте додека се се соедини.
Садот за печење премачкајте го со малку масло, путер или друга маст по желба и посипете со брашно. Истурете ја смесата во плех и печете на температура од 180 степени помеѓу 30 и 40 минути. Колачот е готов кога ќе добие златно жолта боја.
