Легендарниот пејач и познатиот заводник Роби Вилијамс се огласи откако призна дека користел лекови за слабеење, поради што, според него, сега е загрижен за своето здравје.
„Сакам да ги предупредам луѓето што го читаат ова за потенцијалните ризици, за да можат да бидат добро информирани. Почнав да користам инјекции за слабеење доста рано, но она што го забележав е дека мојот вид не е многу добар. Веќе некое време е заматен и само се влошува. Не мислам дека е поради возраста, мислам дека е поради инјекциите“, изјави пејачот за The Sun.
Тој објасни дека имал тешкотии да се стабилизира на сцената додека изведувал еден од неговите најголеми хитови, „She’s The One“, бидејќи не можел да ги види лицата на своите обожаватели и дека првпат ги забележал своите проблеми со видот на натпревар кога не можел да ги разликува играчите, поради што неодамна добил нови очила.
Сепак, како што објаснува, првично не го поврзал тоа со гореспоменатите инјекции за слабеење кои му помогнале да ослабе од 88 килограми на 76 килограми.
„Тоа е нешто како Оземпик, како божиќно чудо. И ми е потребно, медицински. Мојот внатрешен глас ми кажува како Кети Хопкинс зборува за дебелите луѓе. Тоа излудувао“, призна Вилијамс.
