Рецепт за штрудла од смокви

By

Состојки:  600-700 гр брашно, 1 кесичка сув квасец, 1 кафена лажичка фруктоза, 1 чаша топло млеко, млака вода, 2 јајца, 1 тегла џем од смокви.

dobivaj vesti na viber

Подготовка: Растворете го квасецот во малку млака вода со неколку лажици брашно и оставете го на топло место да нарасне. Соединете го со остатокот од брашното, фруктозата, млекото, едно цело јајце и една белка и постепено додавајте млака вода за да замесите меко тесто. Тестото со садот ставете го во кеса, завиткајте го во крпа и оставете го на топло место да нарасне. Нараснатото тесто замесете го и оставете го уште еднаш да нарасне. Тестото поделете го на два еднакви дела, секој дел развлечете го во поголем круг и обилно премачкајте го со џем од смокви. Завиткајте го во ролат и ставете го во тавче со хартија за печење. Оставете да нарасне и загрејте ја рерната на 200 степени. Штрудлите премачкајте ги со изматена жолчка и печете. Испечената штрудла посипете ја со малку вода, покријте ја со крпа, врз крпата ставете најлонска кеса и оставете да се излади. Кога ќе се излади, исечете го на парчиња со саканата дебелина и послужете. Шеќерот во прав може да се попрска по вкус, доколку сакате штрудлата да биде уште послатка.


Ќе ви се допадне