Иако многу луѓе не се грижат дали користат сапун во цврста или течна форма, сепак треба да се забележи еден детаљ. Еден од производите чија потрошувачка е драстично зголемена во последно време е секако сапунот. Иако можеби не сте направиле разлика помеѓу неговата цврста и течна форма, можеби е време да го направите тоа сега.
Кога станува збор за чистење на кожата, можете да бидете сигурни дека сè додека сапунот ги содржи основните состојки кои гарантираат чистота и дезинфекција – не е важно во каква форма е.
„Секој сапун е подеднакво ефикасен за отстранување патогени и нечистотија“, вели д-р Рејчел Барнс, дерматолог од Минесота за The Health.
Кога станува збор за здравјето на кожата, генерално се препорачува течен сапун бидејќи спречува кожата на вашите раце да се исуши и испука.
„Цврстиот сапун обично има висока pH вредност, што може да поттикне сувост и пукање на кожата“, рече таа.
Секако, постојат и цврсти сапуни кои со помош на адитиви, како маслото, ја навлажнуваат кожата и ја одржуваат нејзината хидратација. Сепак, најголема предност на течниот сапун дефинитивно е тоа што е хигиенски поправилна опција од цврстата форма. Бидејќи најчесто доаѓа во шишиња и пумпи, го спречува ширењето на вирусот бидејќи не ја допира неговата површина.
Цврстиот сапун може да содржи вируси кои потоа лесно се пренесуваат од човек на човек. Освен ако не сте дома, се препорачува да избегнувате цврст сапун. Наместо тоа, користите влажни марамчиња ако ги имате при рака. Сепак, цврстиот сапун често содржи помалку штетни хемикалии од течниот сапун. Многу хемикалии влегуваат во крвотокот преку кожата, а миењето на рацете ја зголемува можноста за акумулација на токсични состојки во кожата. Цврстите сапуни генерално содржат помалку штетни хемикалии и повеќе природни состојки.
Со цел кожата да остане влажна, состојките кои треба да ги содржи сапунот се глицерин и масла како лаванда, роза, лимон и слично. Некои сапуни содржат и шеа путер и кокосово или бадемово масло за дополнително омекнување на кожата.
Состојки кои треба да се избегнуваат се триклосан и парабени. Луѓето склони кон алергии треба да ги избегнуваат и оние производи на кои има ознаки дека се „парфемирани“.
