Новиот секси тренд, долгите синџирчиња, всушност не е за секого. Тој е наменет само за оние девојки и жени што не се плашат да го покажат своето длабоко деколте.
Овие долги тенки синџирчиња, најчесто златни или сребрени, изгледаат најубаво кога се носат на длабоко деколте. Притоа, тие не изгледаат вулгарно, напротив, ѝ даваат доза сексапил на жената што ги носи.
Сепак, ваквите синџирчиња може да ги носат и жените што не сакаат да ги покажат градите, но во тој случај приврзокот на синџирчето не треба да се носи над облеката, туку да паѓа на самото тело, скриено под блузата или фустанот, и да поттикнува прашање кај љубопитните луѓе: „Каде завршува?“
