Штипска пастрмајлија е вистински деликатес. Како да ја направите дома, а да биде иста како она во кафеаните во Штип….Еве го рецептот:
Потребно
(За тесто):
околу 900-1000 гр брашно
450-500 мл вода
1 коцка квасец
1 лажичка сол.
———-
За фил:
околу 1 кг свинско месо
1 лажица црвен пипер
1 лажичка црн пипер
1 лажичка сол
3-5 лажички свинска маст
——————–
Подготовка:
- Подготовката започнува со свинското месо. Претходниот ден, но можете и неколку часа претходно, пред да ја правите пастрмајлијата, месото исечете го на ситни коцки и зачинете го со сол, црн пипер и црвен пипер, па измешајте малку и оставете да се впијат зачините. Ако оваа постапка ја правите истиот ден,
месото со зачините оставете го да стои најмалку 3-4 часа.
- Подготовката на тестото се прави дента кога пастрмајлијата ќе се јаде. Во поголем сад за месење се става квасецот со малку млака вода (се одзема од тие 500 мл) и солта, се меша и се меси
без да надојде квасецот.
- Потоа се додаваат остатокот од брашното, како и преостанатата вода и добро се меси.
- Измесеното тесто се дели на 3-4 топчиња, кои се оставаат да нараснат.
- На секое од топчињата, со помош на прстите се прави длабнатинка, а потоа се тегне и се развлекува во форма на чун (ако не можете со раце, помогнете си со помош на сукало).
- Така подготвени, се ставаат во тепсија претходно набрашнета (без масло).
- Претходно подготвените коцки месо се редат во вдлабнатината на тестото и врз секоја се става по малку свинска маст.
- Пастрмајлиите се печат во добро загреана рерна на 250 степени Целзиусови за време од околу 25-30 минути, или додека убаво заруменат.
- Потоа, кратко се вади тавата од рерната, се премачкуваат рабовите со маст и повторно се враќа назад за да се допече. Доволни се уште 5-10 минути.
- Готовата штипска пастрмајлија направена на домашен начин се покрива со платнена крпа, се остава кратко да постои.
Додајте неколку феферони или кисели краставички и не заборвајте на чаша црвено вино.
