Мерлин Менсон го прекина концертот, а фановите фрлале со шишиња

Мерлин Менсон направи скандал на својот концерт во Њујорк, на кој прво доцнел еден час, а потоа бил надвор од себе, како што пишуваат многубројните фанови на социјалните мрежи.

Набрзо социјалните мрежи биле преполни со коментари од разгневените фанови, а една од обожавателките постирала и видео од неговиот настап под кое напишала:

„Се обидивме да го видиме Мерлин Менсон вечерва. Веќе го слушавме четири пати, и секој пат беше многу забавно. Овој пат беше дрогиран, пијан или болен, концертот беше тотална пропаст. Тажно е да се набљудува како некој се уништува поради дрогата. Можеби тоа има врска со несреќата од пред неколку месеци. Мерлин, те молам побарај помош што ти е неопходна, се гледаме следниот пат. Те сакам“.