Лажната вест дека славниот холивудски актер Силвестер Сталоне починал го преплави интернетот, а по повод ваквата бизарност се огласи и неговиот брат Френк Сталоне.
Веста што со молскавична брзина се прошири на социјалните мрежи е дека Сталоне починал од рак на простата, а фановите масовно почнаа да се простуваат од популарниот Роки Балбоа, иако ова не е првпат да се пласира ваква информација во јавност.
По повод оваа лажна и вознемирувачка вест, која го шокираше светот, се огласи и братот на Сталоне, кој на социјалните мрежи потврди дека славниот актер е жив и здрав.
„Шпекулациите дека мојот брат е мртов се лажни. Кој болен мозок може вакви работи да објавува? Ваквите луѓе се ментално загрозени и не заслужуваат место во ова општество“, напиша Френк Сталоне на „Инстаграм“.
Rumors that my brother is dead are false. What kind of sick demented cruel mind thinks of things like this to post? People like this are mentally deranged and don’t deserve a place in society.@FoxNews @seanhannity @greggutfeld
— Frank Stallone (@Stallone) 19 February 2018
Освен тоа, својата смрт морал да ја демантира и самиот Силвестер, кој исто така се огласи на „Инстаграм“.
„Ве молам да ја игнорирате оваа глупост. Жив сум и добар сум, среќен сум и здрав!“, напиша легендарниот актер на својот официјален налог.
Фотографијата што кружеше со веста дека славниот Сталоне починал, а на која изгледа исцрпено и болно се од снимањето на филмот Creed 2, објаснил Френк Сталоне.
За потсетување, ваква слична информација беше пласирана на социјалните мрежи во 2016 година, која се пишувало дека Сталоне е пронајден мртов во својот дом. За среќа, Славниот Роки и понатаму е посилен од сè.
