Актерот Висар Вишка го искористи убавото време и слободниот викенд да се дружи со својот син Дион. Висар на својот инстаграм-профил објави фотографија и видео во кое 5-годишното момче се забавува во скејт-паркот во Карпош, покрај кејот на Вардар.
Покрај фотографијата Висар напиша дека ова е првпат Дион да вози велосипед во скејт-паркот.
Актерот неодамна се врати од Африка каде што снимаше серија, а македонската публика неодамна го гледаше во серијата „На терапија“.
