Ново истражување од меѓунареден тим на физичари открил дека Големата пирамида во Гиза би можела да ја фокусира електромагнетската енергија низ своите скриени комори и подни бази.
Научниците од Универзитетот Итмо во Русија и германската компанија Laser Zentrum Hannover примениле методи на теориска физика, за да ја истражат електромагнетната реакција на древната египетска пирамида, на радио брановите.
Нивните пресметки предвидувале дека во резонантната состојба на пирамидата може да се концентрира електромагнетната енергија во нејзините внатрешни комори, како и под базата, каде што има трета недовршена комора.
Големата пирамида е најголема и најсложена пирамида во Гиза. Лани е откриена, 30 метри долга скриена комора, со што ги поттикна истражувачите да направат нови студии за легендарната египетска градежна изведба и едно од најстарото од седумте чуда на античкиот свет.
„Египетските пирамиди отсекогаш привлекувале големо внимание, а ние како научници бевме заинтересирани, па одлучивле да ја истражиме Големата пирамида како честичка која што резонантно распрашува радио бранови“, објасвнува доктор Ендру Евлухин, коавтор на студијата.
Истражувачкиот тим создал 3Д модел од пирамидата и користел аналитички методи на теориска физика за да дојде до свои заклучоци.
За да ги објаснат резултатите, научниците спровеле мултиполна анализа, метод што во голема мера се користи во физиката за изучување на интеракцијата помеѓу комплексен објект и електромагнетно поле.
Поради недостатокот на информации за физикалните својства на пирамидата, истражувачите морале да решат неколку на претпоставки и откривање на сите непознати шуплини во пирамидата и градежниот материјал, варовник со кој била направена пирамидата, а кој е рамномерно распределен внатре и надвор од истата.
„Со ваквите претпоставки дојдовме до интересни резултати, кои би можеле да најдат важно место во практичната примена“, изјавил Евлухин.
Тимот сега се надева дека ќе создаде сличен концентрирачки ефект на нано-скали, кој може да се користи за развој на сензори и восоко ефективни соларни ќелии.
„Со избирање на материјали со соодветни електромагнетни својства, можеме да добиеме пирамидални наночестички кои можат да се користат во практичната примена во наносензорите и ефективните соларни ќелии”, вели Полина Капитаинова, коавторка на студијата.
