Еминем без најава го објави новиот албум „Камиказа“ на полноќ. Тој во песните од албумот ги напаѓа Доналд Трамп, Харви Вајнстин и Греми наградите. Последниот албум излезе само неколку месеци по неговиот последен албум „Преродба“.
„Обидете се да не размислувате премногу за албумот, уживајте“, напиша наградуваниот рапер на „Твитер“.
Иако трае само 45 минути, новиот, 10. по ред албум, продуциран од Доктор Дре и Еминем, содржи 13 песни. Во нив тој ги критикува и новата генерација американски рапери, медиумите и потпретседателот Мајк Пенс. На албумот се наоѓа и песната „Веном“, која е вклучена во истоимениот филм со Том Харди.
