Телохранителот на Џенифер Лопез и Алекс Родригез, возејќи ја светската музичка ѕвезда со џип, прегазил фотограф кој професионално си ги извршувал своите работни обврски.
Славната двојка за време на една вечера во познат ресторан во западен Холивуд била следена од папарацо, кој се обидел да ја фотографира Џеј Ло со свршеникот додека биле во џипот.
Телохранителот на популарната пејачка, кој управувал со возилото, удрил во човекот, а сцената успешно ја снимиле колегите на прегазениот.
Фотографот паднал на земја, а неговата нога се нашла покрај гумите на џипот. Шокира што ниту телохранителот, ниту Џенифер Лопез, ниту нејзиниот свршеникАлекс Родригез не излегле од возилото за да видат дали е сè во ред со повредениот.
За среќа, фотографот не се здобил со потешки повреди, но преживеал страв. Панталоните му биле уништени, искинати, а на нив можат да се забележат и траги од гуми.
