Кога зимските денови стануваат навистина неуморни, излегувањето од дома без топлиот џемпер е незаменлив.
Денес постојат навистина многу стилови, комбинации, дезени и кроеви на џемпери од кои сигурно, дури и ако не сте некој љубител на ткаени модни предмети, можете да го изберете оној кој ѝ ласка на вашата појава. Џемперите се ултимативен детаљ во есенските и зимските денови, а обновата на нивната колекција звучи доста примамливо.
Доколку сте во потрага по џемпер во нов колор, дезен или со некој интересен вез, нашата денешна тема би можела да ве инспирира. За вас собравме на едно место доста интересна колекција џемпери која ќе одговара на вашиот спортски, лежерен, елегантен и деловен стил. Без разлика дали ви е потребен нов топол џемпер за секојдневно носење, некои посебни прилики, излегување на кафе со пријателките или некоја друга авантура која ја имате во план.
Оверсајз џемпери
Посебна категорија ја чинат оверсајз варијантите на џемпери кои ни доаѓаат во нежни неутрални бои, пастелен колор и во интензивни бордо и кафени тонови. Како создадени за сите вас кои сакате да ви е доволно топло без да го жртвувате својот стил. Идеални се за носење преку тесни фармерки со кожени чизми до колена.
Џемпери со ролки
Доколку сте во потрага по елегантен модел, кој е доволно удобен за носење, вашиот избор може да биде џемпер со додаток во вид на ролка. Меки, пријатни и така топли, овие џемпери нема да ве изневерат дури ни кога надвор температурите се многу ниски.
Џемпери со принт
Еден принт е посебно популарен оваа зима, а ако веќе не сте откриле за што станува збор, тука сме ние да ја заскокоткаме вашата фантазија. Анималниот принт кој прикажува леопардови, змиски и зебрести шари е оној на кој би требало да обратите внимание.
Погледнете ја нашата галерија и откријте какви џемпери ни носи оваа зима.
