Мајк Хау, пејачот на бендот „Метал чрч“, почина во својата 55-годишна возраст. Ѕвездата на хеви-металот почина во неговиот дом во Калифорнија.
„Со длабока тага мора да ја објавиме смртта на нашиот брат, пријател и вистинска легенда на хеви-метал музиката. Мајк Хоу почина утрово. Не можеме со зборови да го опишеме она што го чувствуваме. Ве молиме почитувајте ја нашата приватност и приватноста на семејството Хау во ова најтешко време“, се вели во соопштението на бендот. Во моментов не е позната причината за смртта. Легендата на хеви-металот ја започна својата кариера во групата Хелион пред да се приклучи на Херетиќ, формиран во 1986 година.
„Метал чрч“ е формирана во 1980 година, а Хау се приклучи на составот во 1988 година за нивниот трет албум „Blessing in Disguise“, што резултираше во една од нивните најпопуларни песни „Бадлендс“.
