Рускио претседател Владимир Путин е во самоизолација откога неколку членови од неговото обезбедување заболеле од корона. Од Кремљ соопштија дека поради самоизолацијата, Путин нема да присуствува на регионалниот безбедносен состанок во Таџикистан.
„Рускиот претседател Владимир Путин ќе разговара на телефон со Емомаил Ромон, претседателот на Таџикистан. Владимир Питин рече дека поради појавата на случаи на коронавирус во неговото опкружување, мора одреден период да биде во самоизолација“, соопштија од Кремљ.
Путин онлајн ќе учествува на седницата на Советот за колективна безбедност ОДКБ, на состнаокот на Советот на шефови на држави, Шангајската организација за сорабока и на заедничкиот состанок на шефови на државите земји ОДКБ и ШОШ, пренесоа руските агенции.
Тие состаноци се планирани за оваа недела во Душанбеу. Портпаролот на Кремљ, Дмитриј Песков, соопшти денес дека Путин, иако е во самоизолација, е здрав.
„Претседателот одлучил онлајн да учествува на самитот на Шангајската организација за соработка и ОДКБ затоа што беше во контакт со лица што беа заболени од корона и не треба да ги доведе своите колеги во опасност“, рече Песков, а пренесе ТАСС.
Тој навел дека Путин уште некое време нема непосредно да присуствува на настаните, но дека самоизолацијата нема да влијае на неговиот интезитет на работа.
