Американскиот актер и комичар Ентони Џонсон почина на 57-годишна возраст. Медиумите пренесоа дека тој бил најден во продавница во Лос Анџелес претходно месецов. Иако била повикана итна помош и тој бил префрлен во болница, лекарите само констатирале смрт.
Причината засега сè уште не е позната. Неговата кариера почнала во 1990 година со улогата во филмот House Party. Долго време работел како стендап-комичар, а му се укажала и можност за уште неколку улоги.
Џонсон има глумено и во филмовите „Смртоносно оружје“ и „Опасни по друштво“. Сепак најпознат е по улогата на Езал во комедијата „Петок“ од 1995 година.
„Многу сум тажен затоа што ја слушнав веста за неговата смрт. Беше хумористичен лик. Прости ми што не те оживеав тебе како Езал“, напиша раперот, текстописецот, режисерот Ајс Кјуб.
