Кејт Мидлтон најчесто во јавноста се појавува со облека која е достапна за сите, па затоа и дамите посебно ја сакаат. Често се случуваше одредени модели да се распродадат речиси преку ноќ откако ќе ги облече војвотката. Таа сега се појави на Универзитетот во Лондон во фустан што често го носеше лани, поради што многумина рекоа дека таа повторно го оправда прекарот „штедлива војвотка“.
Станува збор за модел од „Зара“ кој чини само 17 фунти, односно околу 1.200 дeнари, а кој сега може да се купи само преку интернет и тоа по многу повисока цена. Сивиот кариран фустан со миди должина е идеален за овој преоден период, а она што му дава посебен шарм е јаката која се врзува, како и долниот плисиран дел, поради што нејзината фигура дојде до уште поголем израз.
