Италијанската пејачка и водителка на овогодишната Евровизија, Лаура Паусини, објави дека е позитивна на коронавирусот. Паузини во саботата, за време на финалето, почувствувала здравствени проблеми бидејќи ѝ паднал притисокот и за малку ќе се онесвестила.
Таа објави на Инстаграм и откри дека е заразена со корона.
„Да, нешто навистина не беше во ред. Од саботата не се чувствувам добро. Мислев дека тоа е предизвикано од насобраниот замор, но не беше така. Само што дознав дека сум позитивна на коронавирусот, поради што сум изолирана и не можам да патувам“, напиша Паузини.
Таа информираше дека поради позитивниот тест на корона нема да може да учествува на концертот „Amor a la Música“ на Флорида.
Паусини беше домаќин на Евровизија со Алесандро и Мика.
